संस्कृत
Title
॥ श्री गणपत्यथर्वशीर्ष ॥
शान्ति पाठ
ॐ भद्रं कर्णेभिः शृणुयाम देवाः ।
भद्रं पश्येमाक्षभिर्यजत्राः ॥
स्थिरैरङ्गैस्तुष्टुवांसस्तनूभिः ।
व्यशेम देवहितं यदायुः ॥
ॐ स्वस्ति न इन्द्रो वृद्धश्रवाः ।
स्वस्ति नः पूषा विश्ववेदाः ॥
स्वस्तिनस्तार्क्ष्यो अरिष्टनेमिः ।
स्वस्ति नो बृहस्पतिर्दधातु ॥
ॐ तन्मामवतु तद् वक्तारमवतु अवतु माम् अवतु वक्तारम् ।
ॐ शान्तिः शान्तिः शान्तिः ॥
उपनिषत् १
हरिः ॐ नमस्ते गणपतये ।
त्वमेव प्रत्यक्षं तत्त्वमसि ॥
त्वमेव केवलं कर्ताऽसि ।
त्वमेव केवलं धर्ताऽसि ॥
त्वमेव केवलं हर्ताऽसि ।
त्वमेव सर्वं खल्विदं ब्रह्मासि ॥
त्वं साक्षादात्माऽसि नित्यम् ॥ १ ॥
स्वरूप तत्त्व २
ऋतं वच्मि (वदिष्यामि) ॥
सत्यं वच्मि (वदिष्यामि) ॥ २ ॥
उपनिषत् ३
अव त्वं माम् ।
अव वक्तारम् ॥
अव श्रोतारम् ।
अव दातारम् ॥
अव धातारम् ।
अवानूचानमव शिष्यम् ॥
अव पश्चात्तात् ।
अव पुरस्तात् ॥
अवोत्तरात्तात् ।
अव दक्षिणात्तात् ॥
अव चोर्ध्वात्तात् ।
अवाधरात्तात् ॥
सर्वतो मां पाहि पाहि समन्तात् ॥ ३ ॥
उपनिषत् ४
त्वं वाङ्ग्मयस्त्वं चिन्मयः ।
त्वमानन्दमयस्त्वं ब्रह्ममयः ॥
त्वं सच्चिदानन्दाद्वितीयोऽसि ।
त्वं प्रत्यक्षं ब्रह्मासि ॥
त्वं ज्ञानमयो विज्ञानमयोऽसि ॥ ४ ॥
उपनिषत् ५
सर्वं जगदिदं त्वत्तो जायते ।
सर्वं जगदिदं त्वत्तस्तिष्ठति ॥
सर्वं जगदिदं त्वयि लयमेष्यति ।
सर्वं जगदिदं त्वयि प्रत्येति ॥
त्वं भूमिरापोऽनलोऽनिलो नभः ॥
त्वं चत्वारि वाक्पदानि ॥ ५ ॥
उपनिषत् ६
त्वं गुणत्रयातीतः । त्वमवस्थात्रयातीतः ।
त्वं देहत्रयातीतः ॥
त्वं कालत्रयातीतः ।
त्वं मूलाधारः स्थिथोऽसि नित्यम् ॥
त्वं शक्तित्रयात्मकः ।
त्वां योगिनो ध्यायन्ति नित्यम् ॥
त्वं ब्रह्मा त्वं विष्णुस्त्वं रुद्रस्त्वमिन्द्रस्त्वमग्निस्त्वं वायुस्त्वं सूर्यस्त्वं चन्द्रमास्त्वं ब्रह्मभूर्भुवःस्वरोम् ॥ ६ ॥
गणेश मन्त्र ७
गणादिं पूर्वमुच्चार्य वर्णादींस्तदनन्तरम् ।
अनुस्वारः परतरः ॥
अर्धेन्दुलसितम् ।
तारेण ऋद्धम् ॥
एतत्तव मनुस्वरूपम् ।
गकारः पूर्वरूपम् ॥
अकारो मध्यमरूपम् ।
अनुस्वारश्चान्त्यरूपम् ॥
बिन्दुरुत्तररूपम् ।
नादः सन्धानम् ॥
संहितासन्धिः ।
सैषा गणेशविद्या ॥
गणक ऋषिः ।
निचृद्गायत्रीच्छन्दः ॥
गणपतिर्देवता ॥
ॐ गं गणपतये नमः ॥ ७ ॥
गणेश गायत्री ८
एकदन्ताय विद्महे वक्रतुण्डाय धीमहि ।
तन्नो दन्तिः प्रचोदयात् ॥ ८ ॥
गणेश रूप ९
एकदन्तं चतुर्हस्तं पाशमङ्कुशधारिणम् ।
रदं च वरदं हस्तैर्बिभ्राणं मूषकध्वजम् ॥
रक्तं लम्बोदरं शूर्पकर्णकं रक्तवाससम् ।
रक्तगन्धानुलिप्ताङ्गं रक्तपुष्पैः सुपूजितम् ॥
भक्तानुकम्पिनं देवं जगत्कारणमच्युतम् ।
आविर्भूतं च सृष्ट्यादौ प्रकृतेः पुरुषात्परम् ॥
एवं ध्यायति यो नित्यं स योगी योगिनां वरः ॥ ९ ॥
अष्ट नाम गणपति १०
नमो व्रातपतये नमो गणपतये नमः प्रमथपतये
नमस्तेऽस्तु लम्बोदरायैकदन्ताय विघ्ननाशिने शिवसुताय
श्रीवरदमूर्तये नमो नमः ॥ १० ॥
फलश्रुति ११
एतदथर्वशीर्षं योऽधीते ।
स ब्रह्मभूयाय कल्पते ॥
स सर्वतः सुखमेधते ।
स सर्व विघ्नैर्नबाध्यते ॥
स पञ्चमहापापात्प्रमुच्यते ।
सायमधीयानो दिवसकृतं पापं नाशयति ॥
प्रातरधीयानो रात्रिकृतं पापं नाशयति ।
सायम्प्रातः प्रयुञ्जानो अपापो भवति ॥
सर्वत्राधीयानोऽपविघ्नो भवति ।
धर्मार्थकाममोक्षं च विन्दति ॥
इदमथर्वशीर्षमशिष्याय न देयम् ।
यो यदि मोहाद्दास्यति स पापीयान् भवति ॥
सहस्रावर्तनाद्यं यं काममधीते तं तमनेन साधयेत् ॥ ११ ॥
फलश्रुति १२
अनेन गणपतिमभिषिञ्चति स वाग्मी भवति ॥
चतुर्थ्यामनश्नन् जपति स विद्यावान् भवति ।
स यशोवान् भवति ।
इत्यथर्वणवाक्यम् ॥
ब्रह्माद्याचरणं विद्यात् न बिभेति कदाचनेति ॥ १२ ॥
फलश्रुति १३
यो दूर्वाङ्कुरैर्यजति स वैश्रवणोपमो भवति ।
यो लाजैर्यजति स यशोवान् भवति ॥
स मेधावान् भवति ।
यो मोदकसहस्रेण यजति ॥
स वाञ्छितफलमवाप्नोति ।
यः साज्यसमिद्भिर्यजति ॥
स सर्वं लभते स सर्वं लभते ॥ १३ ॥
फलश्रुति १४
अष्टौ ब्राह्मणान् सम्यग्ग्राहयित्वा सूर्यवर्चस्वी भवति ।
सूर्यग्रहे महानद्यां प्रतिमासन्निधौ वा जप्त्वा सिद्धमन्त्रो भवति ॥
महाविघ्नात्प्रमुच्यते ।
महादोषात्प्रमुच्यते ॥
महापापात् प्रमुच्यते ।
स सर्वविद्भवति स सर्वविद्भवति ॥
य एवं वेद इत्युपनिषत् ॥ १४ ॥
शान्ति मन्त्र
ॐ सहनाववतु ।
सहनौभुनक्तु ॥
सह वीर्यं करवावहै ।
तेजस्विनावधीतमस्तु मा विद्विषावहै ॥
ॐ भद्रं कर्णेभिः शृणुयाम देवाः ।
भद्रं पश्येमाक्षभिर्यजत्राः ॥
स्थिरैरङ्गैस्तुष्टुवांसस्तनूभिः ।
व्यशेम देवहितं यदायुः ॥
ॐ स्वस्ति न इन्द्रो वृद्धश्रवाः ।
स्वस्ति नः पूषा विश्ववेदाः ॥
स्वस्तिनस्तार्क्ष्यो अरिष्टनेमिः ।
स्वस्ति नो बृहस्पतिर्दधातु ॥
ॐ शान्तिः शान्तिः शान्तिः ॥
समाप्ति
॥ इति श्रीगणपत्यथर्वशीर्षं समाप्तम् ॥
Roman / English script
Title
|| śrī gaṇapatyatharvaśīrṣa ||
शान्ति पाठ
Oṃ bhadraṃ karṇebhiḥ śṛṇuyāma devāḥ |
Bhadraṃ paśyemākṣabhiryajatrāḥ ||
Sthirairaṅgaistuṣṭuvāṃsastanūbhiḥ |
Vyaśema devahitaṃ yadāyuḥ ||
Oṃ svasti na indro vṛddhaśravāḥ |
Svasti naḥ pūṣā viśvavedāḥ ||
Svastinastārkṣyo ariṣṭanemiḥ |
Svasti no bṛhaspatirdadhātu ||
Oṃ tanmāmavatu tad vaktāramavatu avatu mām avatu vaktāram |
Oṃ śāntiḥ śāntiḥ śāntiḥ ||
उपनिषत् १
Hariḥ oṃ namaste gaṇapataye |
Tvameva pratyakṣaṃ tattvamasi ||
Tvameva kevalaṃ kartā'si |
Tvameva kevalaṃ dhartā'si ||
Tvameva kevalaṃ hartā'si |
Tvameva sarvaṃ khalvidaṃ brahmāsi ||
Tvaṃ sākṣādātmā'si nityam || 1 ||
स्वरूप तत्त्व २
Ṛtaṃ vacmi (vadiṣyāmi) ||
Satyaṃ vacmi (vadiṣyāmi) || 2 ||
उपनिषत् ३
Ava tvaṃ mām |
Ava vaktāram ||
Ava śrotāram |
Ava dātāram ||
Ava dhātāram |
Avānūcānamava śiṣyam ||
Ava paścāttāt |
Ava purastāt ||
Avottarāttāt |
Ava dakṣiṇāttāt ||
Ava cordhvāttāt |
Avādharāttāt ||
Sarvato māṃ pāhi pāhi samantāt || 3 ||
उपनिषत् ४
Tvaṃ vāṅgmayastvaṃ cinmayaḥ |
Tvamānandamayastvaṃ brahmamayaḥ ||
Tvaṃ saccidānandādvitīyo'si |
Tvaṃ pratyakṣaṃ brahmāsi ||
Tvaṃ jñānamayo vijñānamayo'si || 4 ||
उपनिषत् ५
Sarvaṃ jagadidaṃ tvatto jāyate |
Sarvaṃ jagadidaṃ tvattastiṣṭhati ||
Sarvaṃ jagadidaṃ tvayi layameṣyati |
Sarvaṃ jagadidaṃ tvayi pratyeti ||
Tvaṃ bhūmirāpo'nalo'nilo nabhaḥ ||
Tvaṃ catvāri vākpadāni || 5 ||
उपनिषत् ६
Tvaṃ guṇatrayātītaḥ | tvamavasthātrayātītaḥ |
Tvaṃ dehatrayātītaḥ ||
Tvaṃ kālatrayātītaḥ |
Tvaṃ mūlādhāraḥ sthitho'si nityam ||
Tvaṃ śaktitrayātmakaḥ |
Tvāṃ yogino dhyāyanti nityam ||
Tvaṃ brahmā tvaṃ viṣṇustvaṃ rudrastvamindrastvamagnistvaṃ vāyustvaṃ sūryastvaṃ candramāstvaṃ brahmabhūrbhuvaḥsvarom || 6 ||
गणेश मन्त्र ७
Gaṇādiṃ pūrvamuccārya varṇādīṃstadanantaram |
Anusvāraḥ parataraḥ ||
Ardhendulasitam |
Tāreṇa ṛddham ||
Etattava manusvarūpam |
Gakāraḥ pūrvarūpam ||
Akāro madhyamarūpam |
Anusvāraścāntyarūpam ||
Binduruttararūpam |
Nādaḥ sandhānam ||
Saṃhitāsandhiḥ |
Saiṣā gaṇeśavidyā ||
Gaṇaka ṛṣiḥ |
Nicṛdgāyatrīcchandaḥ ||
Gaṇapatirdevatā ||
Oṃ gaṃ gaṇapataye namaḥ || 7 ||
गणेश गायत्री ८
Ekadantāya vidmahe vakratuṇḍāya dhīmahi |
Tanno dantiḥ pracodayāt || 8 ||
गणेश रूप ९
Ekadantaṃ caturhastaṃ pāśamaṅkuśadhāriṇam |
Radaṃ ca varadaṃ hastairbibhrāṇaṃ mūṣakadhvajam ||
Raktaṃ lambodaraṃ śūrpakarṇakaṃ raktavāsasam |
Raktagandhānuliptāṅgaṃ raktapuṣpaiḥ supūjitam ||
Bhaktānukampinaṃ devaṃ jagatkāraṇamacyutam |
Āvirbhūtaṃ ca sṛṣṭyādau prakṛteḥ puruṣātparam ||
Evaṃ dhyāyati yo nityaṃ sa yogī yogināṃ varaḥ || 9 ||
अष्ट नाम गणपति १०
Namo vrātapataye namo gaṇapataye namaḥ pramathapataye
Namaste'stu lambodarāyaikadantāya vighnanāśine śivasutāya
Śrīvaradamūrtaye namo namaḥ || 10 ||
फलश्रुति ११
Etadatharvaśīrṣaṃ yo'dhīte |
Sa brahmabhūyāya kalpate ||
Sa sarvataḥ sukhamedhate |
Sa sarva vighnairnabādhyate ||
Sa pañcamahāpāpātpramucyate |
Sāyamadhīyāno divasakṛtaṃ pāpaṃ nāśayati ||
Prātaradhīyāno rātrikṛtaṃ pāpaṃ nāśayati |
Sāyamprātaḥ prayuñjāno apāpo bhavati ||
Sarvatrādhīyāno'pavighno bhavati |
Dharmārthakāmamokṣaṃ ca vindati ||
Idamatharvaśīrṣamaśiṣyāya na deyam |
Yo yadi mohāddāsyati sa pāpīyān bhavati ||
Sahasrāvartanādyaṃ yaṃ kāmamadhīte taṃ tamanena sādhayet || 11 ||
फलश्रुति १२
Anena gaṇapatimabhiṣiñcati sa vāgmī bhavati ||
Caturthyāmanaśnan japati sa vidyāvān bhavati |
Sa yaśovān bhavati |
Ityatharvaṇavākyam ||
Brahmādyācaraṇaṃ vidyāt na bibheti kadācaneti || 12 ||
फलश्रुति १३
Yo dūrvāṅkurairyajati sa vaiśravaṇopamo bhavati |
Yo lājairyajati sa yaśovān bhavati ||
Sa medhāvān bhavati |
Yo modakasahasreṇa yajati ||
Sa vāñchitaphalamavāpnoti |
Yaḥ sājyasamidbhiryajati ||
Sa sarvaṃ labhate sa sarvaṃ labhate || 13 ||
फलश्रुति १४
Aṣṭau brāhmaṇān samyaggrāhayitvā sūryavarcasvī bhavati |
Sūryagrahe mahānadyāṃ pratimāsannidhau vā japtvā siddhamantro bhavati ||
Mahāvighnātpramucyate |
Mahādoṣātpramucyate ||
Mahāpāpāt pramucyate |
Sa sarvavidbhavati sa sarvavidbhavati ||
Ya evaṃ veda ityupaniṣat || 14 ||
शान्ति मन्त्र
Oṃ sahanāvavatu |
Sahanaubhunaktu ||
Saha vīryaṃ karavāvahai |
Tejasvināvadhītamastu mā vidviṣāvahai ||
Oṃ bhadraṃ karṇebhiḥ śṛṇuyāma devāḥ |
Bhadraṃ paśyemākṣabhiryajatrāḥ ||
Sthirairaṅgaistuṣṭuvāṃsastanūbhiḥ |
Vyaśema devahitaṃ yadāyuḥ ||
Oṃ svasti na indro vṛddhaśravāḥ |
Svasti naḥ pūṣā viśvavedāḥ ||
Svastinastārkṣyo ariṣṭanemiḥ |
Svasti no bṛhaspatirdadhātu ||
Oṃ śāntiḥ śāntiḥ śāntiḥ ||
समाप्ति
|| iti śrīgaṇapatyatharvaśīrṣaṃ samāptam ||
Lyrics reviewed by Tap1ce content review. Source reference: Sanskrit Wikisource — गणपत्यथर्वशीर्षम्, complete non-accented Devanagari text
